A EMA autoriza a vacina de Pfizer e garante a súa efectividade coa nova cepa
A Axencia Europea do Medicamento EMA) deu este luns o seu visto e prace á vacina da covid-19 desenvolvida por Pfizer-BioNTech, o paso previo para que a Comisión Europea outorgue esta semana a licenza de uso condicional do fármaco nos países europeos.
A conclusión positiva foi alcanzada polos expertos da EMA, que recibiu de Pfizer o pasado 1 de decembro a solicitude de comercialización da súa vacina na Unión Europea (UE), aínda que levaba analizando en tempo real os datos sobre a produción, dosificación e ensaios clínicos desde outubro, o que lle permitiu chegar a estas conclusións en tempo récord.
A EMA asegurou este luns que "non hai evidencias" de que a vacina da covid-19 desenvolvida polas farmacéuticas Pfizer-BioNTech e apoiada hoxe polos seus expertos para ser usada na Unión Europea (UE) non vaia funcionar contra a nova cepa de coronavirus detectada no Reino Unido.
Segundo a directora da EMA, Emer Cooke, a última mutación que sufriu o SARS-CoV-2, dando lugar a unha variante que se contaxia con máis rapidez, non sufriu suficientes cambios como para deixar sen eficacia á vacina de Pfizer, aínda que insistiu en que hai que facer un seguimento "próximo" ás campañas de vacinación ata determinar o alcance da inmunidade que provoca este fármaco.
A Comisión Europea autorizará en menos de 48 horas a vacina contra o coronavirus desenvolvida por Pfizer e BioNTech, tras o visto e prace da Axencia Europea do Medicamento, que acaba de certificar a seguridade e efectividade do preparado.
EMA has just recommended granting a conditional marketing authorisation for the #COVID19vaccine developed by BioNTech/ Pfizer, to prevent #COVID19 in people from 16 years of age.
— EU Medicines Agency (@EMA_News) December 21, 2020
Read our press release: https://t.co/qOyMcYLI4y pic.twitter.com/4c5ujZKQ6b
A presidenta da Comisión Europea, Ursula von der Leyen, acaba de publicar unha mensaxe en que cualifica o momento actual como "decisivo nos nosos esforzos para desenvolver unha vacina segura e efectiva para os europeos", e engade que agarda que a comisión tome unha decisión "este serán".
It’s a decisive moment in our efforts to deliver safe & effective vaccines to Europeans!
— Ursula von der Leyen (@vonderleyen) December 21, 2020
The @EMA_News just issued a positive scientific opinion on the #BioNTech / @pfizer vaccine.
Now we will act fast. I expect a @EU_Commission decision by this evening.