CRTVG

Buscar

A tripulación e o armador do Albacora 6 desprázanse a Abidjan para clarificar as causas do naufraxio

Publicado o 17/02/2020 19:43
A tripulación e o armador do Albacora 6 desprázanse a Abidjan para clarificar as causas do naufraxio

O armador do pesqueiro Albacora 6, Nicra-7, cuxa base se atopa en Vigo, desprázase a Abidjan (Costa do Marfil), a onde tamén se dirixe a tripulación do barco para clarificar as causas do naufraxio que tivo lugar este sábado no país africano. Segundo detallaron a Europa Press fontes da Cooperativa de Armadores de Pesca do Porto de Vigo (Arvi), a empresa armadora tamén procederá a atender a tripulación do pesqueiro. Ademais, o persoal do barco diríxese á mesma cidade africana, á que se espera que chegue este luns pola tarde a bordo do pesqueiro Kurtzio, segundo confirmaron fontes de Salvamento Marítimo.

En concreto, os 29 mariñeiros que conformaban a tripulación, dos que catro son galegos, foron rescatados polo buque vasco Montelape -propiedade do Grupo Calvo- despois de que o Albacora 6 sufrira unha fuga a 260 millas ao sur da cidade de Abidjan, en Costa do Marfil. Salvamento Marítimo foi informado do ocorrido ao redor das 22.40 horas deste sábado, tras o cal se dispuxo a prestar o apoio preciso.

 

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí