A sinatura de hipotecas segue medrando. En xuño volveu subir e fíxoo por cuarto mes consecutivo. Estes incrementos evidencian a recuperación tras o afundimento provocado pola pandemia.

En Galicia a firma de hipotecas para vivendas medrou un 19 % con respecto ao mesmo mes do ano pasado. No conxunto de España o incremento foi do 41 %. É o segundo maior crecemento desde o ano 2011. A maioría dos préstamos firmados son a tipos de xuro variable.