Hoxe é o cuarto día consecutivo de baixada dos casos activos en Galicia, que se sitúan nos 16.824. Con todo, na tarde do luns, Sanidade notificou a morte dunha muller de 89 anos que fora diagnosticada coa covid. Faleceu no CHUO e tiña patoloxías previas. En Galicia xa son 2.494 as persoas que perderon a vida no que vai de pandemia.

Tamén diminúen as PCR positivas, que baixan ata as 798 (-244). Neste ámbito, a área sanitaria da Coruña segue sendo a que máis probas positivas agrupa: 316. 

Por áreas sanitarias, a repartición de casos activos é a seguinte:

Vigo: 4.098 (-177)

A Coruña: 4.619 (+48)

Pontevedra: 2.109 (-77)

Santiago: 1.804 (-115)

Ourense: 1.275 (-37)

Lugo: 1.914 (-101)

Ferrol: 1.005 (-6)

Con respecto ás hospitalizacións en planta, estas aumentan (+15), elevando o número a 286 persoas, mentres que as hospitalizacións en UCI seguen igual que na xornada anterior: 55 persoas en coidados intensivos.

Mapas de incidencia por concellos