CRTVG

Buscar

A sanidade pública volveu ser o centro do debate con dúas propostas da oposición

Publicado o 28/05/2019 16:43

No Parlamento galego tocou hoxe xornada de votacións. A sanidade pública volveu ser o centro do debate con dúas propostas da oposición.

O BNG pediu modificar os Orzamentos deste ano e sumar case 300 millóns máis a Atención Primaria. Os cartos sairían de aumentar impostos como o IRPF, o de Patrimonio ou recuperando o de sucesións. Os socialistas tamén presentaron unha proposta de mellora, pero sen especificar de momento a cantidade necesaria.

Os populares galegos recordaron que a Xunta acaba de aprobar un plan de mellora da Atención Primaria con 200 medidas e máis de 100 millóns extra nos Orzamentos.



 

Noticias web

28/05/2019