Pendentes estamos das conclusións e das medidas que poidan saír da reunión do Consello interterritorial de sanidade, que marcarán o futuro das actuacións contra o coronavirus. A reunión entre todos os conselleiros de Sanidade e o Ministerio terá lugar mañá mércores. O Ministerio presentará neste foro o documento técnico que pretende unificar medidas en todo o Estado.

O protagonismo terao Madrid e a continuidade ou non do estado de alarma que remata o 24 de outubro. O Goberno central xa avanzou a súa vontade de non prorrogalo, e onte Fernando Simón, con 439 casos por 100.000 habitantes, dixo que, con todo, aínda abrindo a mobilidade, deberán continuar as outras restriccións.

Martínez Almeida, alcalde de Madrid, fala da tendencia á baixa da evolución da covid-19 en Madrid e de atopar o equilibro entre priorizar a defensa da saúde e o mantemento da economía.