Hoxe celébrase o Día Mundial da Investigación contra o Cancro. A raíña participou no evento organizado pola Asociación Española contra o Cancro, da que é presidenta de honor. Na súa intervención, a raíña Letizia destacou a importancia da colaboración internacional na investigación e recordou que "compartir o coñecemento xa non é unha opción senón  unha necesidade imperiosa".

Neste día, a comunidade científica pide duplicar os investimentos na investigación contra o cancro. O obxectivo é conseguir que a taxa de supervivencia sexa do 70 por cento  en 2030.