Esta mañá comezaba en Ourense o proceso de inmunización na residencia de maiores de San Marcos. 20 residentes e 6 traballadores recibían a segunda dose da vacina de Pfizer. 

Inocencio, de 90 anos, foi o primeiro residente en recibir a inmunización completa na provincia de Ourense, e o equipo sanitario quixo agradecerllo cun pequeno agasallo. Di que se sente moi agradecido e conta os días para poder reunirse, por fin, coa súa familia. 

Mañá o proceso de vacinación levarase a cabo noutras 155 residencias e agárdase que a finais da próxima semana remate o proceso de inmunización nos centros de maiores de Ourense.