Os mesmos lugares que percorre a figura do Cristo da Vitoria son os que xa están procesionando pola súa conta os seus devotos nas horas previas ao día grande. Pola cancelación da procesión oficial, este ano, e xa van dous, con máis motivo.

A confraría tomou a decisión difícil de anular a procesión tradicional pola grande afluencia que a devoción do Cristo congrega en Vigo. O resto da programación relixiosa e institucional mantense con restricións de cabida e con retransmisión en liña.

A cidade vella, a ribeira do Berbés e o centro urbano son os tres barrios polos que discorre o percorrido da procesión solemne que tería que celebrarse o vindeiro domingo.