Esta casa do maior funciona como un centro de día, pero como máximo admite 5 usuarios. En total vanse abrir 30 en Galicia, todas en concellos de menos de 5.000 habitantes. Trátase de que, na medida do posible, os maiores poidan quedar nas súas casas recibindo a atención necesaria dentro da súa vila. 

Leonor, Esperanza e Purificación son as primeiras usuarias desta casa do maior que esta semana abre as súas portas en Pazos de Borbén. É un lugar en que pasar o día facendo actividades e relacionándose.

En total, en Galicia van abrir 30 espazos coma este para persoas con dependencia moderada e severa en concellos de menos de 5.000 habitantes.