Optimismo e esperanza logo de duros meses é o sentir dos hostaleiros composteláns.

Esteban Iglesias, presidente de Unión Hoteleira Compostela: "Xa estamos con noticias positivas, levamos 15 meses de pandemia con resultados negativos. O primeiro mes que recuperamos a senda da positividade en canto a rendabilidade foi o mes de xuño".

As perspectivas para os meses centrais do verán é dunha ocupación de arredor do 60 %.

Esteban Iglesias, presidente de Unión Hoteleira Compostela: "A nivel asociación temos previsión de estar no mes de xullo en torno a un 60% o que nos permite estar xa en números positivos".

As reservas chegan á última hora e sempre moi pendentes das restricións e dos datos da pandemia. Se os datos sobre a ocupación se manteñen, volveremos ver imaxes coma estas das rúas de Compostela ateigadas de turistas.