Bruxelas anuncia a viaxe da presidenta da Comisión Europea a España para este mércores. A visita de Úrsula von der Leyen está dentro dunha xira por sorpresa a varios países europeos. E agárdase que anuncie a aprobación do plan de recuperación español. 

A viaxe de von der Leyen a Madrid estará precedida por unha parada en Lisboa. A Comisión Europea recoñece que a súa presidenta tratará en España e Portugal os Plans de Recuperación e Resiliencia de ámbolos países para entregarlles miles de millóns en axudas contra a crise da covid.

O plan español estará o mesmo martes na mesa do Colexio de Comisarios para ser aprobado, antes da xira de von der Leyen. Bruxelas avaliará que o goberno adica máis dun 30% das axudas á transición ecolóxica e un 20% á dixitalización da economía.

O mesmo acontecerá cos de Portugal, Grecia e Dinamarca. Nestes dous últimos países von der Leyen estará o xoves e o venres en Luxemburgo. Os cinco socios europeos serán os primeiros en recibir transferencias do Fondo de Recuperación. No caso de España, este ano serían 9.000 millóns de euros.