A Policía Local de Ourense busca a persoa que conducía un BMW que provocou o envorcamento doutro vehículo ás nove da noite deste sábado, na rúa Pardo Bazán.

Ao parecer, o coche fuxido chocou lateralmente cun Audi que circulaba polo carril dereito. O golpe provocou que este se desprazara e acabara batendo contra outro turismo estacionado.

O condutor do BMW non parou a súa marcha e fuxiu do lugar do accidente, onde tiveron que ser atendidas dúas persoas.