A policía investiga a morte violenta dun promotor inmobiliario na pequena localidade de Calahonda, en Granada.

O cadáver apareceu nun descampado a carón dun bloque de vivendas que contruíra a vítima, de 70 anos. O corpo estaba envolto en plástico e presentaba sinais de ser golpeado e acoitelado. Un regueiro de sangue fai que os axentes sospeiten que puido ser asasinado na súa casa e despois trasladado ata o lugar onde foi descuberto.