Axentes da Policía Nacional detiveron un home que custodiaba máis de 1.400 quilos de haxix na Línea da Concepción, Cádiz.

Sucedeu despois de que a policía observara o venres no porto da Atunara como descargaban varios fardos dunha embarcación e os metían nun coche que saíu a toda velocidade.

Os policías seguírono e, a pesar das manobras evasivas do condutor, lograron apresalo nun local onde agochaba 40 fardos de haxix. Alí tamén recuperaron un vehículo todo terreo de gama alta que estaba denunciado como roubado.