Entre as once da noite a as tres da mañá, a policía local de Lugo acudiu a tres domicilios logo de que os veciños denunciaran que se estaban a celebrar festas ilegais. Os axentes comprobaron que a música estaba moi alta e conseguiron disolver as festas sen que se produciran altercados cos participantes, todos eles conviventes.

Aínda que non houbo infraccións graves desta volta, os veciños amósanse preocupados tanto pola persistencia das celebracións nos pisos como polos botellóns que se suceden cada fin de semana. As festas detectadas nas últimas horas tiveron lugar en rúas alonxadas do centro da cidade.