A plataforma de vítimas do accidente do Alvia en Angrois pídelle unha reunión á nova ministra de Transportes, Raquel Sánchez. A través dunha carta, as vítimas reclaman unha investigación técnica independente. Case 8 anos despois do sinistro, o caso está pendente da apertura de xuízo oral. Coa ministra queren abordar asuntos como o expediente que ten aberto Bruxelas a España en materia de seguridade ferroviaria, e as alegacións que presentaron á Lei de creación da autoridade para a investigación de accidentes.