Á espera de que o Tribunal Superior de Xustiza de Galicia dite sentenza sobre a paralización temporal do ere de Alcoa que piden os traballadores.

Na vista, a multinacional alegou para non parar os despedimentos "perdas severas e recorrentes" e acusou os gobernos de parcialidade e de ir contra a propiedade privada e a liberdade de empresa. Os traballadores concentráronse ás portas da factoría de San Cibrao durante a vista. Din que están seguros de que a xustiza concederá a suspensión cautelar do ere, pero insisten en que a solución é política.

"Os ámbitos en que ten que rexer a solución a este problema son os políticos e sociais. O que non se pode é deixar nas mans dun xuíz unha decisión de pais de se se fabrica ou non aluminio primario", di José Antonio Zan, presidente do comité de empresa de Alcoa San Cibrao.