Son meses de organización para que todo estea listo aquí para esta cita que reúne personalidades de todo o mundo. O director do Gran Hotel contábanos que ata cen persoas traballan neste recinto que acolle boa parte da axenda do foro.

Son conscientes de que o mundo os mira, e confían en que esta terceira edición sexa a que marque a volta á normalidade tras a pandemia. Por iso no hotel preparan todo ao detalle, con especial atención á gastronomía, un atractivo máis deste encontro.