Tranquilidade no BNG. Malia que Ana Pontón segue de baixa pola súa recente maternidade, os nacionalistas presumen de ter todo listo para afrontar unha campaña electoral.

Moi distinta é a situación na esquerda rupturista, onde cada espazo ten o seu prazo para escoller candidato. No Grupo Común da Esquerda o último nome en se poñer sobre a mesa foi o de Martiño Noriega, de ANOVA. A voceira Luca Chao, de Podemos, tampouco se descarta a si mesma.

No PSdeG será Gonzalo Caballero quen aspire á presidencia da Xunta. E volven pedirlle a Feijóo que despexe o calendario.

E no PPdeG lembran que o presidente decide, que xa o fixo noutras ocasións, e que sempre acertou co momento de convocar ás urnas.