A pandemia frustrou un proxecto que tiña en Nova York coa ONU, pero saíulle outro en Bruxelas.

Alí, Lula Goce elaborará unha peza contra o cambio climático inspirada na pintura flamenga. Todo iso para conmemorar o 75 aniversario das Nacións Unidas.

A viaxe a Bruxelas está á espera da evolución da pandemia e permanecerá alí durante unha semana para plasmar a súa arte na Biblioteca Real. Decorou medio mundo e o seu último traballo é este mural que está xunto ao cemiterio de Panxón onde fai unha oda á diversidade.

A pesar do coronavirus, Lula continúa cos seus proxectos. A próxima semana realizará unha actividade educativa no CSIC de Vigo.

Marchará a Berlín o mes que vén para inugurar unha exposición e en canto poida irá aos Estados Unidos.