A comunidade internacional comprometeuse a achegar máis de mil millóns de euros en asistencia humanitaria para Afganistán durante a conferencia organizada por Nacións Unidas.

O secretario xeral da ONU, o portugués António Guterres, recoñeceu que será necesaria a colaboración do réxime talibán para que esa axuda poida chegar ao pobo afgán.

Os máis de mil millóns de euros comprometidos, dos que 23 millóns corresponden a España, superan as previsións máis optimistas fixadas ao inicio da conferencia.