A actividade no Camiño de Santiago retómase a pasos lentos tras o confinamento. Pouco a pouco os peregrinos van sumándose ás rutas, pero sinalan que hai moi poucos. En pleno verán e nos días previos á festividade do Apóstolo moitos relatan como fixeron alguns dos tramos case en solitario.

A baixa afluencia de peregrinos nótase xa no ambiente de vilas como Portomarín, parada obrigada no Camiño Francés e onde as prazas e as terrazas están practicamente desertas. Sinalan nos albergues que a ocupación roza só o 30%.

Con todo son optimistas, saben que este é un ano atípico e agardan que pasiño a pasiño se recupere o esplendor do Camiño.