Hoxe presentouse o proxecto da futura estación do AVE en Santiago. O arquitecto Juan Herreros, autor do proxecto, explicou os detalles do deseño ante a presidenta do ADIF, a conselleira de Infraestruturas e o alcalde da cidade.

A nova estación estará situada entre a actual e a pasarela, e terá dous niveis, un á altura da rúa do Hórreo e outro inferior para as plataformas. Custará uns 28 millóns de euros e ten un prazo de execución de 30 meses.

A responsable de ADIF desvelou o interese de novos operadores por traballar en Galicia tras a liberalización do servizo.