Nun comunicado público, a nova dirección de Alu Ibérica -o grupo industrail Riesgo- di ser a única solución "viable e realista" para garantir o futuro das plantas da Coruña e de Avilés. Os propietarios que adquiriron as dúas factorías o pasado mes de abril, aseguran neste comunicado que xa terminaron de ratificar públicamente a compra da empresa, para o que aportaron notarialmente todas as garantías requeridas polos vendedores. 

Engaden que nas últimas semanas concretaron investimentos do seu plan industrial, comezaron as instalacións de gas na planta da Coruña e están comezando a dotar as dúas factorías de materia prima. Segundo o comunicado, a nova dirección de Alu Ibérica estaría a piques de pechar un acordo internacional moi potente que axudaría ás dúas plantas a continuar no mercado sen máis preocupación que producir e vixiar custos.