Música dentro do museo. Artes en diálogo. Coordenadas precisas para unha viaxe no tempo.

"Isto é unha réplica da guitarra de Federico García Lorca. Evoca unha sonoridade dese intre que non está nos instrumentos contemporáneos", explica Samuel Diz, músico e investigador do exilio republicano.

E rescata con esa guitarra pezas coma 'Noite de estrelas', melodía galega de Xosé Chas do verán de 1937. Música para o novo espazo expositivo do Museo de Pontevedra.

"Obras creadas ao longo da Guerra Civil por tres autores galegos: Uxío Souto, Arturo Souto e Federico Ribas. E é un pracer para min crear un diálogo musical con esa obra pictórica".

Obras coma 'Estampa de guerra' (1937), 'A véspera no campo de concentración' (1939), 'Cruzamento dos Pireneos' (1939).

"Revivir esa memoria sempre é importante para non caer nos mesmos erros".

E dialoga tamén a música cos tres álbums de guerra orixinais de Castelao. Obras dun dramatismo que tomba palabras.