En Madrid estanse disputando os Campionatos de España de Atletismo en pista cuberta, e esta mañá chegou un ouro galego. Belén Toimil proclamouse campioa de España de lanzamento de peso. O seu mellor lanzamento foi de dezasete metros e oitenta e un centímetros. Esta tarde buscará tamén o metal Ana Peleteiro na final de triplo salto. Para mañá quedan as finais doutros galegos con opcións como Adrián Ben, Jean Marie Okutu e Álex Barreiro.