Case dous mil seguidores do Sporting de Xixón estarán o sábado no Anxo Carro. En apenas cinco horas esgotáronse as 1.900 entradas que o Club Deportivo Lugo lle enviou ao Spórting, a un prezo de 25 euros, para as bancadas de Xeral e Fondo Sur. Os billetes puxéronse á venda a partir das dez e axiña se formaron ringleiras de afeccionados no Molinón. A clásica Mareona volverá a Lugo, agora coa acollida ao completo. O equipo afronta unha semana tranquila para preparar o partido.