A lava do volcán destruiu máis de 1.800 edificacións e 750 hectáreas de terreo
Publicado o 17/10/2021 11:32
A superficie afectada pola lava do volcán Cumbre Vieja, a só dous días de cumprirse un mes desde que entrou en erupción, alcanzou ata o venres pasado as 753,8 hectáreas, o que supón 4,4 máis respecto á medición anterior.
Segundo os últimos datos emitidos polo programa satelital Copernicus da Unión Europea, rexistrados ás 19:56 horas do venres, 1.835 construcións quedaron destruídas (+9).
O aeroporto da Palma continúa aberto pero, por segundo día consecutivo, non opera ningunha aeroliña por mor da nube de cinza. No que vai de fin de semana canceláronse 56 voos, segundo informou AENA. As compañías son as que deciden segundo as súas observacións e os seus parámetros.