CRTVG

Buscar

A Guarda acolle unha regata de traiñeiras en homenaxe aos remeiros dos anos 40, 50 e 60

Publicado o 08/06/2018 14:29

Seguro que mañá o peirao da Guarda reborda de emoción, porque tripulacións de traiñeiras de toda Galicia van desputar a regata de homenaxe aos remeiros que competían polas festas do Carme desde os 40 aos 70. Moitos xa morreron, pero os que quedan están moi fachendosos de recibir este agarimo e recoñecemento.

Este sábado A Guarda vai acoller a regata homenaxe aos homes e mulleres dos anos 40, 50 e 60 que animaban as Festas do Carme cunha competición de remo de varias categorías. 

Quedan apenas ducia e media de mariñeiros, xubilados xa, dos máis de 60 que aparecen nas fotos da época. As tripulacións agrupábanse a maioría, por tabernas.

Tamén participaba a Mariña, cunha tripulación da Escola de Telecomunicacións de Vigo.

Algúns o que máis botan de menos é a festa e o compañeirismo. 

Todos están ilusionados e emocionados polos recordos que lles vai traer a regata do sábado, no mesmo porto en que eles competiron de rapaces.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

08/06/2018