A patrulla do Servizo de Protección da Natureza (SEPRONA) da Garda Civil de Corcubión investiga dúas persoas como presuntas autoras dun delito de maltrato animal. Foi a Policía Local de Muxía quen alertou da aparición dun can morto por aforcamento nun alpendre daquela localidade.

O animal estaba inmobilizado por orde xudicial, polo que debía recibir os coidados de manutención e de saúde correspondentes, ao estar implicado nun delito de danos ocasionados a uns peregrinos por mordedura.

A Garda Civil investiga os seus propietarios como presuntos autores dun delito de maltrato animal e púxoos a disposición do Xulgado de Instrucción de garda de Corcubión para realizar as dilixencias oportunas.