CRTVG

Buscar

A frota galega nas Malvinas eleva as capturas da lura un 25%

Publicado o 02/05/2019 15:52

A frota galega nas Malvinas superou as 51.000 toneladas de captura de lura común na primeira campaña, o que supón un 25% máis ca a do ano pasado. Confírmase así a melloría dunha pesqueira que tocara fondo no 2015 en que nin chegou ás 30.000 toneladas en todo o ano.

A abundancia de capturas pode traer, iso si, unha flutuación nos prezos pola lei da oferta e da demanda pero polo de agora mantéñense estables respecto doutros anos. Esta primeira campaña que empezou a finais de febreiro, rematou oficialmente o sábado pasado, polo que nos próximos días os 16 buques galegos emprenderán o regreso ao porto de Vigo.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

02/05/2019