CRTVG

Buscar

Piden unha indemnización millonaria para os ciclistas atropelados da Guarda

Publicado o 18/04/2019 19:42

A fiscalía reclama unha indemnización de 2 millóns e medio de euros para os ciclistas atropelados na Guarda. No seu escrito, o fiscal di que o automobilista que os alcanzou, que agora ten 90 anos, circulaba distraído e a máis velocidade da permitida. Impútalle dous delitos de homicidio e sete de lesións por imprudencia grave.

O xuízo por esta causa está cada vez máis preto, a falta de que se presente o escrito da defensa. Os feitos que se xulgan remóntanse a marzo de 2016. No atropelo perderon a vida dous ciclistas e outros nove quedaron feridos.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

18/04/2019