A Fiscalía pide outros cinco anos de prisión para Pablo Hasél por desordes públicas, atentado á autoridade e lesións. Por un intento de asalto á Subdelegación do Goberno en Lleida hai tres anos, en resposta á detención de Puigdemont.

A acusación sostén que o rapeiro e outras dez persoas dirixiron o ataque aos Mossos que custodiaban o edificio. Os congregados agrediron os axentes e causaron danos materiais.

Esta nova causa pode complicar a situación de Hasél, que cumpre condena por enaltecemento do terrorismo e ten pendentes outras dúas sentenzas por ameazas e agresión.