Problemas na fabricación da vacina de Pfizer. A farmacéutica rebaixa á metade o número de doses que tiña previsto elaborar neste mes.

Pasan de 100 millóns á fabricación de 50 millóns. O motivo, que explican nun comunicado, son os problemas na cadea de subministración. As materias primas para a elaboración do remedio non foron entregadas segundo os estándares de calidade.

Isto provocará unha diminución na cantidade dos primeiros lotes que terían que chegar a países de todo o mundo.

E dende os Estados Unidos unha mensaxe: os tres ex-presidentes Obama, Bush e Clinton, dispostos a vacinarse en público en canto se poida, para dar exemplo.