A falta de vacinas en territorio europeo leva a Bruxelas a interesarse pola rusa Sputnik e polas chinesas. A Unión busca alternativas a unha escaseza de doses, que está a prolongarse no tempo. 

Os contratos da comisión coas farmacéuticas incluían que os laboratorios tivesen algún centro de produción en Europa para garantir o abastecemento.

Pero os laboratorios están incumprindo cos prazos e Bruxelas carece de mecanismos para penalizar o atraso nas entregas. Como non hai sanción, as empresas desoen as advertencias europeas.

Para paliar as carencias, a Unión analiza mercar outras vacinas como a rusa ou a chinesa.