A suba continua do prezo da luz xa está tendo efecto nas empresas. A fábrica de aceiro Sidenor, en Euskadi, apaga temporalmente as máquinas polo incremento dos prezos.

De momento o parón sería de forma intermitente, uns 20 días ata final de ano, ante o "desorbitado" prezo que paga pola electricidade, que no último ano se disparou máis dun 300%, segundo explicou a propia compañía nun comunicado. 

A medida afecta á planta principal da empresa en Basauri, con 750 empregados. E din que non será suficiente se continúa o actual panorama de descontrol nos prezos eléctricos.