A Axencia Europea do Medicamento (EMA) asegurou este martes que o seu comité de seguridade está a analizar se os casos de tromboembolismo detectados tras a administración da vacina de AstraZeneca "son unha coincidencia ou un efecto secundario estraño".

Nunha conferencia de prensa por videoconferencia dende Amsterdam, a directora executiva do organismo regulador, Emer Cooke, amosouse convencida de que os seus benefcicios contra a covid-19 superan os seus riscos. Porén, quixo deixar claro que a comunidade científica europea tómase "moi en serio a seguridade" da vacina.

Neste sentido, lembrou que a axencia continúa coa investigación dos casos reportados polos diferentes países. Do mesmo xeito, lembrou que durante os ensaios os ensaios clínicos levados a cabo pola farmacéutica, non se detectaron casos de tromboembolismo posteriores á vacinación.