CRTVG

Buscar

A DXT inicia unha campaña de control de camións e autobuses e revisa os elementos de seguridade

Publicado o 11/10/2021 15:48

A DXT iniciou hoxe unha campaña de inspección de camións e autobuses. O obxectivo é comprobar que estes vehículos e os seus condutores circulan en condicións de seguridade, xa que, en caso de accidente, acostuman ser máis graves polas dimensións deste tipo de transportes.

Os axentes vixiarán a velocidade á que circulan os camións, realizarán controis de alcolemia, inspeccións de tacógrafos e revisarán os elementos de seguridade destes vehículos que, despois dos turismos, son os máis numerosos dos que circulan polas estradas e que ademais están implicados no 16% dos accidentes con vítimas.

Esta campaña de control, que ademais do transporte de mercadorías tamén afecta aos autobuses, estenderase ao longo de toda esta semana en diferentes estradas españolas.

 

 

Noticias web

11/10/2021