CRTVG

Buscar

A demanda para as converveiras aumenta entre o 25 e o 45%

Publicado o 31/03/2020 16:48

As conserveiras galegas traballan estes días con medidas reforzadas de hixiene e seguridade para intentar garantir o abastecemento ante o forte incremento das vendas nos supermercados.
Aumentou moito a demanda en España e tamén a internacional, a de países como Italia, Bélxica, Alemaña e Reino Unido.

Manter a produción é especialmente complicado. Os empregados teñen que traballar con equipos que dificultan o seu movemento e hai que ampliar as distancias entre eles.

Ademais, hai problemas para acceder á materia prima e para a distribución, fundamentalmente nas zonas máis afectadas polo coronavirus. Por todo isto, cren que o incremento nas vendas non irá acompañado dun aumento dos beneficios.

Noticias web

31/03/2020