CRTVG

Buscar

Galicia afianza a irmandade con Lorient, sinalizando alí o Camiño de Santiago

Publicado o 05/08/2019 20:13

O ano pasado, preto de dez mil franceses fixeron o Camiño de Santiago, dando conta das raíces xacobeas que ten o país veciño. É só un dos motivos polos que se afianza a irmandade coa cidade celta de Lorient, a través dun símbolo que sinaliza a ruta de peregrinaxe a 1.979 quilómetros, e que inaugurou o conselleiro de Cultura co alcalde desta localidade.

Este ano, Galicia é o territorio convidado no Festival Intercéltico de Lorient. 3.500 persoas de todas as nacionalidades celtas participaron no Gran Desfile, e á cabeza, un abandeirado de Santa Comba.

70 agrupacións de Irlanda, Escocia, Gales ou Asturias participaron neste evento que durou case catro horas. Para a banda de Silleda e a banda de gaitas de Forcarei, un premio a moitos anos de traballo.

Música, gastronomía e turismo promociónanse estes días nesta cita celta internacional onde a nosa comunidade busca tamén darlle promoción ao vindeiro Xacobeo 2021.

 

 

 

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

05/08/2019