Todos os actos programados durante esta Semana Santa foron supendidos, pero ademais esta crise sanitataria deixa no aire, xa con vistas ao verán, de importantes eventos lúdicos e culturais en Galicia. É o caso da festa Arde Lucus, que podería anularse en datas próximas se a pandemia do coronavirus non mellora. Arde Lucus está programado para o 26,27 e 28 de xuño.

O concello de Lugo aínda non se marcou prazos para despexar o futuro da festa, pero adianta que se non hai suficientes garantías, será preciso suspendelo. Algo similar ocorre co festival O Son do Camiño, tamén en xuño, do que xa están vendidas todas as entradas. Polo momento as autoridades galegas gardan silencio e esquivan planificar a dous meses vista á espera de cal vai ser a evolución do virus con temperaturas máis altas.

Na Coruña, tamén está no aire a celebración do San Xoán, quizais a festa máis popular da cidade e que reúne nas praias urbanas miles de persoas. Xa para agosto, tampouco está claro se A Coruña vai acoller a Tall Ship Race, esta regata de grandes de veleiros non recalaba na cidade desde o ano 2016