O Eurogrupo amosa a súa preocupación pola escalada dos prezos da luz. A crise enerxética é xa un asunto do máximo interese das institucións comunitarias porque pode frear a recuperación económica do continente. 

A preocupación xa está instalada de cheo, no Eurogrupo e na Comisión Europea, non só en moitas capitais do continente. Tanta que Bruxelas frea as indicacións aos Gobernos previstas para este martes sobre as axudas aos colectivos máis afectados. A Comisión xa estuda como aumentar as fontes de enerxía cara a UE para frear novas crises.

Non só chegará con controlar a evolución dos prezos. Hai que protexer os consumidores e as empresas. A vicepresidenta de Economía, Nadia Calviño, insiste na necesidade dun mecanismo da UE para mercar gas conxuntamente.

"Trátase dun tema da máxima prioridade. É fundamental asegurar a estabilidade dos mercados de enerxía internacionais e evitar un impacto negativo sobre os cidadáns e sobre a competitividade das nosas empresas. Propuxemos un conxunto de iniciativas e imos seguir defendendo unha resposta urxente e forte por parte das institucións comunitarias", di Nadia Calviño, ministra de Asuntos Económicos.