Nesta primavera máis de medio millón de aves mariñas sobrevoaron a punta de Estaca de Bares. O Centro de Extensión Universitaria e Divulgación Ambiental de Galicia, CEIDA, cuantificou 40 especies diferentes. As máis abondosas, a gaivota escura e o mascato, pero tamén outras que atravesan as costas galegas cara o norte para criar.

No outono as aves viaxan de volta coas crías na procura de lugares máis cálidos. Nesta época chegan a pasar polas costas galegas máis dun millón de exemplares.

O corredor migratorio converte a Galicia en destino do chamado turismo de observación de aves, en auxe en países do norte de Europa.

A migración de aves mariñas supón unha oportunidade de desenvolvemento socioeconómico sostible.