A administradora do estaleiro Barreras presentou aos sindicatos unha proposta de ERTE para todo o cadro de persoal alegando falta de produción. Sería durante un ano e afectaría os 127 operarios directos do estaleiro.

Así llelo comunicaron esta mañá na xuntanza que a consultora Kroll, que administra Barreras, mantivo cos representantes dos traballadores. O ERTE entraría dentro da estratexia do plan de viabilidade do estaleiro, que podería poñerse á venda nos próximos meses coas contas máis saneadas.