CRTVG

Buscar

A concatedral de Santa María de Vigo xa é basílica

Publicado o 11/08/2020 14:40

A concatedral de Santa María de Vigo acaba de ser distinguida como basílica polo Vaticano. O Papa Francisco atendeu a solicitude da diocese de Tui-Vigo encabezada polo bispo monseñor Quinteiro Fiúza, e pola confraría do Cristo da Vitoria.

O templo vigués convértese no sexto de Galicia que consegue este recoñecemento. Cunha ampla historia ás súas costas, fora reconstruído na década de 1830 tras resultar gravemente danado no ano 1959 fora designado como concatedral.

O recoñecemento chega nun ano difícil, xa que o Cristo da Vitoria non puido saír en procesión debido ao coronavirus. O título de basílica menor fíxose oficial a través dun decreto do Vaticano. A concatedral acolle os principais requisitos para elevar a súa categoría, como a antigüidade da igrexa, un gran valor histórico e de culto, que está solemnemente consagrada e un amplo presbiterio que foi reformado. Culmínase así a carreira emprendida hai máis de 3 anos para obter este recoñecemento.

Noticias web

11/08/2020