CRTVG

Buscar

A Comunidade de Madrid impide unha visita da ministra Montero a un instituto

Publicado o 08/03/2021 19:23
A Comunidade de Madrid impide unha visita da ministra Montero a un instituto

               
O Goberno da Comunidade e Madrid prohibiu unha visita da ministra de Igualdade, Irene Montero, ao instituto público de educación secundaria Gómez Moreno, no distrito de San Blas, con motivo do Día da Muller, alegando que pretendía facer un acto político, algo que negou ese departamento ministerial. 

Fontes próximas á presidenta madrileña, Isabel Díaz Ayuso, sinalaron que a ministra Montero pretendía facer un acto político" nun instituto público "en horario lectivo". 

A Comunidade de Madrid non vai permitir "ningún evento de adoutrinamiento en centros educativos públicos en horario escolar", indicou as mesmas fontes.  Fontes do Ministerio de Igualdade, pola súa banda, aseguraron que a Comisión foi quen pediu a reunión e negaron que Montero fose impartir unha "charla LGTBI". "Primeiro a escusa era por temas sanitarios, agora que a ministra quería facer unha charla LGTBI. Non é certo", afirman. 

Nun vídeo que difundiron en Twitter, as alumnas que organizaran a reunión da Comisión de Igualdade do instituto Gómez Moreno coa ministra Montero para falar sobre como viven as mozas o feminismo e a igualdade lamentaron a cancelación do encontro no último momento. 

"Estamos moi enfurecidas porque nos arrebataron un encontro o día 8 de marzo que era noso e no cal os protagonistas non eran a política nin as ideoloxías, senón o feminismo e como nós, mozas do barrio de San de Blas, dun instituto público levamos, día a día, o feminismo e a igualdade ás nosas aulas".

Ademais, destacaron que se trataba dun encontro ao aire libre, cun grupo moi reducido de persoas e coa distancia de seguridade establecida polas autoridades sanitarias, co que se atopaban de acordo tanto a ministra Irene Montero como o seu equipo de seguridade". 

A Consellería de Educación, que é o órgano que debe aprobar calquera acto desta índole nos centros educativos madrileños, non autorizou esta reunión e así llo comunicou "con antelación suficiente", o pasado día 2 de marzo, á directora deste instituto. Fontes do Departamento explicaron esta decisión se adoptou, xa que "non se facilitaban detalles imprescindibles", como a duración do acto, a hora de comezo e de finalización e o motivo da celebración, o que "podería prexudicar o desenvolvemento da actividade do centro e a xornada lectiva dos alumnos". 

Tampouco se especificaba "o número de persoas que acudiría para determinar se se vulneraban ou non o as medidas de seguridade e hixiene nos centros educativos". 

"É exactamente a mesma información que se solicita a calquera acto destas características, polo que non se fixo ningunha distinción", precisaron desde a Consellería. Agregaron que, no caso concreto desta visita ao IES Gómez Moreno, tamén descoñecían se había un acompañamento de medios de comunicación, como xornalistas, reporteiros, cámaras de televisión ou gráficos, e o seu número. 

Noticias web

08/03/2021