O número de vivendas en venda por menos de 100.000 euros incrementouse lixeiramente en España tras a pandemia pasando do 17,6 % en febreiro de 2020 a algo máis do 18 % en marzo deste ano. Son datos do portal inmobiliario Idealista.

En Galicia, Pontevedra e Lugo si viron medrar a oferta de vivenda accesible, mentres que caeu na Coruña e Ourense.

Na Coruña, onde se calcula que unha de cada 10 vivendas roza os 100.000 euros, o sector inmobiliario si fala dun aumento da demanda destes inmobles.

E cando a demanda medra e a oferta é escasa, os prezos elévanse. É o que está a pasar en determinadas zonas da cidade coruñesa como a de Catro Camiños.

Aínda así, no total da provincia da Coruña o sector inmobiliario detecta unha leve tendencia á baixa dos prezos da vivenda.