As Cabanas do Barranco, situadas na Serra de Outes, van ser un dos establecementos onde os galegos poderemos empregar o bono turístico. 

Renata Lema, directora das cabanas di que é unha "axuda" e afirma que o sector "non debe poñer pégas". 

Dende este mércores poden inscribirse todos os establecementos e axencias de viaxe que queiran formar parte deste programa, pensado en Galicia para os galegos.

Poderemos elixir entre tres tipos de bonos: un de 250 euros, outro de 375 e un terceiro de 500 euros, a Xunta pon o 60 % do total.

"O obxectivo é xerar demanda interna no sector turístico", asegura Emilio de la Iglesia, xerente da Axencia de Turismo de Galicia.

A primeira edición do programa, dirixida a sanitarios, puxo en marcha 20.000 bonos. Agora poderán comezar a solicitarse a comezos do vindeiro mes de abril.