Pensionistas e xubilados da CIG concentráronse nas cidades galegas para reclamar pensións dignas.

O sindicato alerta das consecuencias da reforma que prepara o Goberno, porque cren que suporá novos recortes nas prestacións. A CIG tamén acusa o executivo de querer condenar moitos traballadores a prolongar a súa vida laboral. Defende a xubilación aos 65 anos e pide a equiparación por lei da pensión mínima ao salario mínimo interprofesional.